"Ngelaksanayan Kearifan Lokal: Kawentenang Bulan Bahasa Bali Risajebag Sekolahan ring Sewe

(SMAN1Tampaksiring, MA’TAKSU). Nyabran warsa, gelombang semangat kebudayaan nglimbak ring Provinsi Bali antuk momentum sané istimewa: Bulan Bahasa Bali pinaka silih sinunggil program prioritas Pemerintah Provinsi Bali sajeroning utsaha pelestarian, panglimbak, miwah panglimbak Basa, Aksara, miwah Sastra Bali. Puniki nyihnayang Pemerintah Provinsi Bali, ring sor Gubernur Bali, Wayan Koster banget urati ring utsaha ngukuhang miwah panglimbak Basa, Aksara, miwah Sastra Bali. Acara puniki, kamargiang olih makasami undagan pendidikan ring pulo Bali, taler pinaka genah alit-alit, remaja, miwah dewasa antuk ngukuhang miwah nyanggra kasugihan basa miwah budaya Bali sane unik.

Bulan Bahasa Bali nenten jé wantah upacara kemanten, nanging taler pinaka parikrama kolaborasi pantaraning para sisia miwah pihak pendidikan sajeroning ngajegang miwah ngalimbakang warisan basa Bali. Majalaran antuk parikrama lomba pidarta, sastra, miwah seni pertunjukan, Bulan Bahasa Bali dados genah ekspresi kreatif miwah nincapang apresiasi majeng basa miwah budaya lokal.

Ring Bulan Bahasa Bali, sekolah-sekolah dados genah kegiatan sané maurip, kahias antuk ornamen tradisional, miwah wénten makudang-kudang kegiatan kreatif. Wibakara sastra Bali, sakadi geguritan (puisi Bali), miwah upacara adat dados daya tarik utama sané nyinahang bakat sisia ring ngrajut kruna-kruna sané madaging artos miwah becik.

Parikrama Bulan Bahasa Bali puniki nenten ja wantah kasarengin olih para sisia kemanten, nanging taler para guru, para rerama, miwah para wargi irika. Puniki pinaka galah mangda prasida ngawentenang paiketan sane kukuh pantaraning sekolah miwah parajanane, sajeroning utsaha nglestariang miwah nglimbakang basa Bali ring parajanané sami. 

Sakadi sané munggah ring kaca bondalem-buleleng.desa.id “Tetujon saking Bulan Bahasa Bali puniki kamargiang nyabran warsa inggih punika: Pinaka bukti nyata saking utsaha nglestariang budaya Bali sane luih inggih punika Basa, Aksara, miwah Sastra Bali dados kegiatan lomba Basa Bali. Siosan ring pacentokan, Bulan Bahasa Bali taler dados genah ngamiletin kaweruhan miwah kreativitas. Seminar, lokakarya sastra, miwah paméran seni nyarengin para pamilet saking makudang-kudang widang, nyiptayang genah anggén mareraosan miwah magentos pikayunan sané nyansan ngawerdiang indik warisan basa miwah budaya Bali.” 

Antuk kawentenan Bulan Bahasa Bali puniki, parajanané ring sajebag propinsi puniki nenten wantah nyaksiang kawentenan basa Bali, nanging taler nyokong para yowana sajeroning nguripang miwah nglestariang identitas budaya ipun. Pinaka parikrama nyabran warsa, Bulan Bahasa Bali nyaksiang kawentenan warisan sané sayan nglimbak, ngukir jejak sané mabuat ring pamargin pulau Dewata nuju masa depan sane kabanggayang antuk identitas budayanyané. Ring sajeroning nyanggra Bulan Bahasa Bali, iraga prasida mikayunin sahananing sabda kawicaksanan sane nyihnayang kawigunan nglestariang basa miwah budaya. Sakadi baos Paus John Paul II, "Bangsa sane tan uning ring babadnyane pateh sakadi taru sane nenten madaging akah". Ring konteks Bali, iraga prasida ngentosin antuk "Bangsa sané nenten miara basannyane pateh sakadi akahnyane sané padem".

Bulan Bahasa Bali dados wadah anggén miara akar puniki, anggén ngajegang basa miwah budaya Bali mangda tetep maurip miwah nglimbak. Ring soang-soang bebaosan, sastra, miwah seni sané kawedar, krama Bali ngunggahang warisan sané akéh puniki pinaka pahan saking identitasnyané.

Nelson Mandela naenin mabaos, "Yening ipun mabaos ring tiang nganggen basa sane tawahtawah, punika anggen ipun nuek manahnyane, yening ipun mabaos ring tiang nganggen basa tiange, punika anggen ipun nuek pepinehnyane". Pidarta puniki nyarengang iraga mangda ngajiang kawigunan basa asli pinaka jendelane sane prasida ngamedalang kawagedan miwah pangresep indik budaya miwah pikayunan parajanane.

Bulan Bahasa Bali, antuk samian rangkaian acarane, inggih punika utsaha sareng-sareng anggén maktayang krama Bali ring sajeroning kesadaran indik kawigunan basa pinaka tonggak identitas miwah warisan. Malarapan antuk parikrama puniki, iraga ngaptiang keanekaragaman basa miwah mastikayang mangda generasi sané jagi rauh prasida nglantur nglimbakang kabecikan kruna-kruna basa Bali, ngukir carita-carita anyar sané setata mapaiketan sareng wit leluhurnyané.   (Ina Ainun Amanah – XI 3. A)

Artikel Lainnya :

• Garapan Cipta Karya Seni “Saraswati Natha” Membangun Karakter melalui Tarian
• (SMAN1Tampaksiring, MA
• Pentingnya Bulan Bahasa Bali demi Lestarinya Budaya di Bali
• TARI MASKOT SARASWATI NATHA KEANGGEN SARANA NGELESTARIANG BUDAYA BALI
• Kawigunan Bulan Bahasa Bali Arepan Lestari Budaya ring Bali